હરિને ભજતાં / harine bhajta

Interpretation by Shri Tushar Shukla (in gujarati)

મધ્યકાલીન કવિતા યાત્રામાં આપણે વિહંગાવલોક્નનો સાથ લ‍ઇ કેટલીક કવિજનોની કાવ્યપંક્તિઓને યાદ કરી. આવી તો કેટલી પંક્તિઓ આપના મનમાં ય સચવાઇ હશે. આ કવિઓ નામના આગ્રહી નહોતા. ને છાપકામ પણ હજુ આવ્યું નહોતું. છતાં આ રચનાઓ પ્રજા હ્યદયમાં સચવાઇ છે. અને આપણી આજને સમૃધ્ધ બનાવે છે.

“હરિને ભજતાં હજુ કોઇની લાજ જતાં નથી જાણી રે.” કેવી હૈયાધારણ બંધાવે છે આ પંક્તિ! પણ આ ક્યારે શક્ય બને, એ શરત એમણે બીજી પંક્તિમાં મૂકી છે : “જેની સૂરતા શામળિયા સાથ” – આ “સૂરતા” શબ્દ અદ્‍ભૂત છે. ભક્તિમાર્ગ હોય કે જ્ઞાનમાર્ગ, આ સૂરતા સધાવાનો મહિમા સૌએ સ્વીકાર્યો છે. પરમતત્વ સાથે રચાતું અનન્ય અનુસંધાન વ્યક્તિની સુરક્ષા કરે એવું “વદે વેદવાણી રે.”